HUMBERTO GONZALI

Llectura del poema Madre de canes fríes, que forma parte del llibru Decenariu. Emitío nel programa ContreSentidos, n'abril de 2007, pela TPA.

Fai nueve años publicaben una esbilla poemes de mio nun llibrín fechu en Madrid, por una editora d'A Coruña. Ente ellos, ún falaba de la parroquia quirosana de Las Agüeras, del pantanu que ta nella, y de dalgunes cosuques más. Publicaren los poemes de mou billingüe, n'asturianu y en gallegu. Tando l'otru día chando unes hores pelos conceyos de Santo Adriano, Proaza y Quirós, d'onde vienen parte los mios ancestros, alcordárame de la versión gallega d'esi poema y fui pa recitalu mentalmente. Ye curioso qué y cómo te vien a la cabeza nos momentos onde menos lo aguardes.

Esti yera'l poema:

O ábrigo ha vir, a modiño, / desde L.linares e de Rundeiros,

coa tristura das faias / e de acivro os alentos,

a esgazar outra volta nubes / e silenzos: que quere facer

mil espellos da lúa / que baña o seu crecente eterno.

"El no querer es la causa, el no poder, el pretexto", dijera Lucio Anneo Séneca, y en esto parece residir el mal de las factorías editoriales de unos individuos llamados, por lo común y malamente, americanos. Recuerdo que hace casi diez años de sus engranajes literarios nos había llegado una historia de españoles, gracias a Equilibrio de poder, obra del exitoso Tom Clancy (y de su negro Jeff Rovin). Clancy es el responsable de best-sellers como La caza del Octubre Rojo o Juego de patriotas; dos novelas que acabaron en películas. Con Equilibrio de poder igual pasa lo mismo, aunque eso sí, un largometraje con su argumento basado en la creación del autor estadounidense puede ser especialmente interesante en España. Porque Tom Clancy construyó una delicia de escenario. Ello era que unos diplomáticos de aquí, en compañía de unos cuantos agentes secretos, de allí, descubrían un complot organizado para hacer explotar el orden interno español. Pero lo más logrado del asunto estaba en cómo este Clancy nos pintaba España, un estado con cinco etnias irreconciliables, a saber: los catalanes, machistas, racistas y ricos; los andaluces, muy vagos; los vascos, separatistas; los gallegos, pues pasando de todo lo humano y todo lo divino; y los castellanos, auténticos españoles y víctimas de esta trama cañí, con líder enamorado de las figuras de Francisco Franco y el Cid Campeador. Viendo este panorama no pude por menos que comentarlo con mi amigo Juanjo, intelectual, nacionalista aparente, y Xuan de nombre artístico. Y lo que son las cosas, en boca de esta amistad se me descubrió lo más espantoso del Equilibrio de poder, ¡no estaban los asturianos!. Para que vea. No, si ya lo tenía dicho el refrán: Hablando de escopetas, San Fernando tenía un carro.

Nótase que no tocantes a la llingua del país toca despropósitu un día sí y l'otru tamién. ¡Guapa la racha que llevamos!. Foi qu' entamaren los "peculiares" a meter peseta nesti tema pa que tornaren les filigranes d'otru tiempu. Agora tóca-y a Sabino Fernández Campo, Conde de Latores, ex xefe de la Casa Real. A esti home nun-y manca decir que "ye esaxerao que se quiera poner una escuela de bable", o  que "l'asturianu convién conservalu como una cosa íntima, como'l que tien una cosa importante na so casa, almírala y consérvala". Unu, lo de la escuela nin lo comenta porque inevitablemente decátase de que'l señor conde yá ta mui mayor. Lo de la cosa íntima, suena a xarrón de la güela a guardar tres d'un cristal y, les coses como son, tamién me trai al maxín esi cantar onde se diz "les vaques del mio prau lléndoles yo". Pues eso, que la vieyura delles veces fai eses falcatrues col pensar, y que col mio "bable" yo faré lo que me pete; como si me da por falalu más que'l castellanu. Eso sí, a lo último tolo venceyao a los Borbones ta enraxonándome un daqué. Nun quixeron cellebrar la victoria de Bailén porque apremiaba Palma de Mallorca, les vacaciones, y l'abrazu con camiseta al caudillu Chávez. Más el bon rollu del monarca colos heraldos del socialismu zapateril. Más un conde necesitáu de tratamientu. Más demasiaos otros. La verdá, hai temporaes que me cuesta bien d'ello nun me declarar de toes toes republicanu.

El de Xixón ye'l primer Ayuntamientu que fizo públicu'l patrimoniu de los sos conceyales. Fízose acompañáu d'un enfotu por detallar la información cola máxima transparencia y claridá y, al empar, dióse-y a la política española un importante precedente na vida público del nuestru estáu. Esta iniciativa, pionera en tol Reinu ya calistrada d'un perfondu sentíu democráticu, ye resultáu de la solicitú fecha pol Partíu Popular. Y l'orixe d'esta decisión taba precisamente na necesidá de que la opinión público del conceyu de Xixón pudiera tener conocencia, ensin llendes, ensin obligase a percorrer enrevesaes víes alministratives, de los ingresos, patrimoniu y participación en sociedades de cualaquier triba de tolos ediles que conformen la Corporación Local. Y ye qu'esta medida fízose inda más necesaria después de la continuada serie de declaraciones del equipu gobiernu municipal sobre lo que percibíen o non los conceyales populares, como si éstos fueren unos "entes raros". El pasáu mes d'abril el grupu municipal del Partíu Popular remitiera un escritu a l'alcaldesa pidiendo la so autorización pa que se ficieren públicos los datos patrimoniales, en conociendo l'antecedente del usu de comentarios insidiosos, dichos nos plenos dende'l gobiernu municipal de la izquierda, intentando, como ye vezu nelli, confundir a la ciudadanía con falsedaes sobre les dietes y los ingresos. L'Ayuntamientu de Xixón necesitaba un exerciciu de tresparencia, de cercanía colos ciudadanos, d'apertura democrática, y el Partíu Popular propiciólo col so facer demandando claridá y disponibilidá d'información a la propia alcaldesa, que ye la que determinaba si se podía o non consultar los espedientes relacionaos con esti tema, y considerando qu'hasta aquel momentu nun se conocía a nengún ciudadanu que tuviera accesu a éstos. El nuestru grupu municipal nunca nun tuvo problema n'asoleyar el so patrimoniu ya ingresos, cenciellamente porque nunca nun tuvo un res que tapecer. Y non solo eso, llogró que'l restu de los grupos municipales tamién dieran a conocer les sos retribuciones y bienes. Amás, afitóse'l casu del nuestru Ayuntamientu como referente pa otres corporaciones. Asina, vemos como'l nuestru modelu de bon facer democráticu emplegóse n'Uviéu onde, a lo cierto, el so alcalde aprovechó pa recordar que yá cumpliera la edá de xubilación, los 65 años, y que polo tanto pensaba qu'había de dar exemplu, y poro yá nun-y pagaríen el sueldu nin la seguridá social dende les arques municipales, colo que Gabino de Lorenzo permitía que más de 84.000 euros al añu revirtieran en beneficiu de los carbayones. España afáyase nuna coxuntura de crisis cada vuelta más perceptible. Gúei yá podemos falar de recesión, pues el crecimientu económicu español ye cuasi cero. En situaciones de crisis, cuando los ciudadanos pásenlo mal, son los máximos representantes de les instituciones los primeros llamaos a amosar actitúes edificantes. Paz Fernández Felgueroso, l'alcual alcaldesa de Xixón, fai años que perpasó la edá que se determina pal aniciu de les xubilaciones. Diba ser bono, dende la coherencia siempres esixible y dende la solidaridá colos ciudadanos de Xixón que s'enfrenten a una época de vaques flaques, que tamién ella supiera tener l'honrosu xestu de renunciar al so suelu. La política nun ha ser otra cosa que la conducción de los asuntos públicos pal provechu de los particulares, los nuestros ciudadanos xixoneses nesti casu.

L'estáu yá ta en númberos colloraos. Y el señor Solbes, el que tamién fuera ministru d'economía nel últimu gobiernu del compañeru Felipe, reconoz qu'esti déficit va llegar al conxuntu de les alministraciones públiques. El gobiernu del talante, que non del talentu, llogró bien aína empufanos a tolos ciudadanos. Pero eso sí,  háilos que tovía nagüen pola Nueva España del malabarista de la Z. Y nun tenemos de dir mui llueñe. Va bien poco un ciudadanu, qu'exerce d'asturianista y poeta del autobombu, taba toráu de tanto ponderar al presidente de los 400 euros y el café a preciu de Plan de Desarrollu. Pero claro, pa la intelectualidá orgánico los pufos qu'acabaremos pagando tolos los españoles nun son  cosa tala. Por malamente que tean les cuentes del estáu siempres habrá subvenciones, y subvencionables.

Si dalgo nun me prestó esti día, cuando nun partíu del Campeonatu d'Europa d'h.oquei fizo la Pita de la Xunta una de les sos apaiciones, foi la reacción de Gabino de Lorenzo. Yo yá taba avezáu a ver al xefe de la gobernanza socialista, Vicente Alberto Álvarez Areces, torcer el focicu en cuantes vía al reivindicativu ave. Yera lo natural. Areces, como viniente que yera del comunismu más dogmáticu, nun podía por menos qu'amuesar el so talante, estalinista, a la mínima que-y afearan la so política. Y si esto tenía l'aniciu na cuestión identitaria asturiana, entós los biecos de maltar podíen llegar al mandáu d'índole fascista. Con Areces y la rapazolería de la gobernanza socialista sabíemos lo qu'había. Pero ver l'otru día la incomodidá de Gabinó énte la reivindicación guiada pola Pinta fízome da-y delles vueltes a una idega. Nada nun hai peor qu'una derrota p'acabar d'enquivocase. Gabino salió mui tocáu de les últimes elecciones, pero lo más triste ye que nun supo facer l'análisis necesariu. Perdió porque lu venció'l localismu, bien esplotáu polos heraldos del anacrónicu socialismu autóctonu. Y envede topar una llectura afayaíza, entrulló inda más nel localismu. Ehí ta la esplicación del enfotu pola capitalidá blindada nel quiciás prósimu Estatutu. Ehí que yá faiga compaña al matemáticu Areces na perceguera provocada pola Pita defensora de la llingua. Y ehí'l caminar testerón per una vía qu'igual, igual, da victories na capital, pero que-y fiede al restu d'Asturies.

El recursu a la vieya política, onde too ye vieyu ideariu, vieya revolución, vieya tierra o vieya nobleza tien, amás d'un aquello a xeriátricu, poco de nuevo o de funcionamientu xustu cola xente qu'importa; eso que nomamos El Pueblu. Echémos-y una güeyada a la realidá política asturiana que tamos viviendo nos últimos años y analicemos si s'estrema muncho de l'anécdota  que paso a contar. Ello yera un vieyu emperador de la vieya China que-y diera al so primer ministru'l mandáu siguiente: Quiero qu'en diez díes Pequín tea allumbráu. Asuntu bien enguedeyáu, pues d'aquella Pequín quedaba na más grande escuridá en cuantes atapecía. El primer ministru llamó al gobernador de la ciudá y repitió-y el mesmu mandáu del vieyu emperador. Toles calles de Pequín teníen una primer autoridá vecinal, responsable de tolo malo que per ellí pasaba. El gobernador llamó a los xefes vecinales de toles calles pequineses y mandó lo mesmo, masque d'otra manera: Quiero que cada ún de vosotros consiga que la so cai tea allumbrada, y a lo más tardar en nueve díes. Pasara yá un día. Los xefes vecinales aconceyaron y, a la mañana siguiente, llamaron al xefe de familia de cada casa y dieron esta orden: Quiero que, pa más seguridá de tol mundu y pa más guapura de la ciudá, curie cada ún de vosotros d'allumbrar la so casa, en non más d'ocho díes. Y nel día que lo mandara'l vieyu emperador, tou Pekín, per primer vegada aquella nueche, vióse de toes toes allumbráu. Entós el vieyu emperador premió al so primer ministru, el primer ministru premió al gobernador de Pequín y el gobernador premió a los xefes vecinales. Pero, vaya por Dios, los que nun recibieron premiu nengún fueron los dueños de les allumbraes cases de Pequín. 

Se decía que un mal poeta griego, llamado Querilo, se había empeñado en unirse a las expediciones de Alejandro Magno para cantarle sus proezas guerreras. Alejandro diera su consentimiento y, a continuación, Querilo se puso a componer un largo poema, donde por supuesto el conquistador macedonio era el héroe. Una vez acabada la obra le rogó que la oyese, a lo que accedió Alejandro, aunque eso sí, con una muy clara condición; que por cada buen verso del poema le darían una moneda de oro y por cada mal verso, una sonora oblea. Y que un jurado de poetas dictaminaría sobre la calidad de los versos. Querilo aceptó y, llegado el momento, comenzó la lectura, que por desgracia no pudo terminar, porque las morradas le provocaron la muerte antes de aproximarse a la mitad de su lírico presente. De ello es evidente que se podían sacar dos conclusiones incontestables, a saber, que el pobre Querilo no formaba parte de la tertulia de aquellos poetas que habían integrado el jurado, y que en la Antigüedad Clásica la existencia de la literatura "cortesana" se acompañaba de igual miseria humana que hoy en día. En estos tiempos nuestros los escritores con tendencia a la "cortesanía" aspiran, como mucho, a que alguna instancia institucional les pague unas cortas vacaciones a ser posible al otro lado de la mar. Los habrá maduros, que se ven merecedores de atenciones hacia su título de "vate nacional", y los habrá jóvenes y con prisa. Para los segundos recomendaría la cita de un notable poeta francés: escribir poesía a los veinte años, es tener veinte años; escribir poesía a los cuarenta, es ser poeta. Y para los primeros, la lectura de la última prensa del corazón , donde los profesionales de la "cortesanía" bien pagada muestran, pongamos por caso, las excelsas prominencias de cervus elephus que se pasean por las tierras de cierta Grande de España; o bien, fomentan la imaginación popular, cuando fruto de ésta, una dama candidata a protagonista permanente en las berreas capitalinas, es llevada a comparación con el grupo escultórico de La Cibeles que, como todo el mundo sabe, tiene de piedra la cabeza y, a aquello donde hacen arco de triunfo las piernas, mirando hacia el Banco de España.

Ye ésta una pregunta que faigo davezu cuando-y doi vueltes a la situación de la nuestra llingua, y cuando trato d'entender la postura énte ella de dalgunos compañeros de partíu. Sé que na FSA hai una clara prevención ideolóxica en dientro del grupu dirixente y pola mor d'ello los prexuicios correspondientes. Sé que n'IX les más de les veces la defensa de la llingua ye una pose, por más que bien de militantes d'esa fuerza política crean sinceramente no que dicen. Y sé que nel Partíu Popular nun hai prexuicios nin prevención ideolóxica, más allá de lo que puea pensar un piñu d'afiliaos. Pero nel mio partíu sí tengo detectao un erru que convierte al asturianu nel "paganini" de cuites ayenes. Lo bono ye que nesi erru empérrase mui poca xente cola que comparto sigles. Lo malo ye que los que s'emperren tán no "más granao" de la dirección del partíu o del grupu parlamentariu na Xunta Xeneral del Principáu. Y l'erru nun ye otro que'l poner los intereses d'unos pocos asturianos, ellos, perriba de los intereses de la totalidá de los asturianos. Y metanes esti xuegu, camuden oficialidá por capitalidá. El casu ye que cola capitalidá igual se ganaría un congresu, pero cola capitalidá enxamás se ganaríen unes elecciones. Yo, mire usté per ónde, toi en política pa que'l partíu onde milito gane elecciones.

Fai unos meses escribía esti artículu. Güei, en viendo lo que tamos viendo, nun pueo por menos que reafirmame de toes toes nel so conteníu.

LA REVOLADA. ASTURIES ye poseedora d'una llingua milenaria y, con ella, d'ún de los más importantes patrimonios qu'una comunidá pue aportar a la cultura universal. Ye esta llingua una realidá viva, arriquecedora, y bien presente en muchos ámbitos de la nuestra sociedá. Y más allá de cuánta xente la fale, o de cómo la fale, por ser de nuestro, por ser asturiana, ye la llingua de toos. Nun nos estraña, por eso mesmo, que la ciudadanía asturiano apoye, como tolos estudios sociollingüísticos espeyen, la sobrevivencia, la dignificación y el fomentu del idioma forxáu polos nuestros antepasaos.

N'asturianu falaron los campesinos, los pescadores, los trabayadores de la industria, pero n'asturianu tamién falaron los reyes, los nobles, los ilustraos como Jovellanos, los xenerales, los obispos. N'asturianu falaron monárquicos y lliberales, conservadores y progresistes. Y n'asturianu siguen falando, anguañu, miles de persones de tou tipu y condición. La manera que tienen los pueblos de facer pol caltenimientu y la potenciación de les sos señes d'identidá diz muncho de la capacidá d'esos pueblos pa llograr progresu y bientar. Como tamién la manera na que los políticos entienden esti facer diz muncho de la so integridá y responsabilidá.

Cuando una ayalga como la nuestra llingua cuerre peligru de desaparición, los políticos son los primeros obligaos a proceder d'alcuerdu col so deber: atender les necesidaes de los sos representaos y, nel casu que nos ocupa, arresponder a una clara demanda social. La llingua asturiana necesita, nesti momentu históricu, d'un marcu llegal que garantice unos mecanismos válidos p'asegurar la so tresmisión, con garantía de futuru, a les prósimes xeneraciones. Por ello, cuando se plantega una revisión del Estatutu d'Autonomía d'Asturies, faise imprescindible dir a la busca d'un modelu de cooficialidá, d'equiparación llingüística y que, acordies colo que deseen los nuestros ciudadanos, seya eficaz, progresivu, moderáu, allueñáu d'imposiciones, pero tamién de dexadeces.

Los asturianos sí quieren la cooficialidá. Quiérenla sigún un patrón propiu. Somos un pueblu que ve positiva una equiparación llegal ente bable y castellanu; ente otres coses, porque tenemos a arguyu sentinos fondamente asturianos y, al empar, totalmente españoles. N'Asturies, trabayar polo propio significa meyorar a la nuestra comunidá al mesmu tiempu qu'a España. Esto ye dalgo que la mayoría compartimos. Lo que-y fai falta al asturianu nun ye otro que respetu, entendimientu, bona intención, ye dicir, valires democráticos colos qu'allevantar el diálogu que nos empobine a un consensu sobre la llingua. Solo la ignorancia, l'autoritarismu o los complexos de ciertu xacobinismu son quien a ñegar, estos díes, la posibilidá de que los asturianos decidan el camín más afayaízu pa normalizar aquello que más guapamente los define.

Nun sedría entendible qu'aquellos que'n otres autonomíes potencien la discriminación de la llingua oficial de tolos españoles, o permiten la invención de reclamaciones territoriales, digan a los asturianos que'l so idioma vernáculu tien prohibío ser tan normal como los demás. La fuerza política que testeronamente, dende la falsa progresía, afite posicionamientos contrarios al exerciciu d'un drechu cívicu básicu, asoleyará una contradicción pergrave y enforma difícil de desplicar. La llingua nun ha ser, en nengún casu, motivu de división ente asturianos. Y usala, p'arrequexala, amás dende responsabilidaes de gobiernu, ye lo contrario a xuntar, a amuesar bon talante. Asturies tien una deuda pendiente cola so llingua. Agora tócanos saldala con estimanza y xusticia, faciendo que de toes toes se cumpla la Constitución qu'en 1978 nos dimos los españoles. Agora correspuéndenos devolvé-y la normalidá.